Wia samma entstanden?

1993 hod der Lenz g´spaß halber über´n Wirtshaustisch a Zuchharmonie kauft, a Hohner Club II in grau – 60 Jahr´ alt und hoch interessant. Dann is er zum Wirt´s Hans auf Röckersbühl g´fahr´n, vo dem hat er´s nämli kauft, der hat eam dann die Grundbegriff´ a wengerl g´lernt.

Auf oa mal is da Armin, der nimma dabei is, g´lussert word´n und hat as gleiche Instrument angfanga. Der Otmar hat dann g´sagt, i könnt´ ja bei eich a wen´g hint mit eineblas´n. Und kurz drauf is der Wolgang dazua g´stoß´n, des is ja der Profi vo uns, der spuit ja a scho seit 1971 Musi.

Ruck Zuck hamma die ersten Geburtstag´, Polterab´nd und Betriebsfeiern g´spuit.